Scriptum est eidem Secreto (1) Apulie.

Cum nos Karolo carissimo primogenito nostro ut nove militie sue primitivos honores congruos eccellentie nostre munificentie decoremus et haeredibus suis utriusque sexus in perpetuum donaverimus tradiderimus et concesserimus de liberalitate mera et gratia speciali Principatum Salerni cum certis terris et locis nec non comitatum Alexine cum infrascriptis tantum terris et locis que sunt de comitatu ipso videlicet. Alevina et Precina et honore Montis sancti Angeli Peschitio Vestis Rodio Vayrano cum Pantano Siponto quod nunc Manfridonia sancto Chirico et Casali novo adiungentes eidem honori terram Campimarini licet nos sit de honore predicto. et concesserimus sibi etiam et heredibus ipsis terras et alias infrascriptas videlicet Andriam cum Castro sancte Marie de Monte cum foresta. que non sunt de principatu et honore predictis cum certis Baronibus hominibus vassallis possessionibus vineis terris cultis et incultis planis montibus pratis nemoribus pascuis molendinis aquis aquarumque decursibus salinis et juribus ferri aczari salis et picis aliisque, juribus jurisdictionibus et pertinentiis terrarum et locorum ipsorum prout ea omnia hodie curia nostra tenet que de demanio videlicet in demanium et que de servitio in servitium retento vel reservato nobis jure exiture victualium et lignaminum per mare de portubus et maritima terrarum et locorum predictorum et quod de ipsis portubus et maritima per mare nulla victualia et legumina sine speciali mandato et licentia nostri culminis extrahatur. sal etiam ferrum aczarum et pix emantur et vendantur in omnibus et singulis terris et locis juxta curie nostre statutum investientem predictum Karolum nostrum primogenitum per circulum aureum de predicto principatu et per vexillum nostrum de comitatu ac per annulum nostrum de honore et reliquis terris predictis fidelitati tue precipimus quatenus nuncios et procuratores dicti Karoli nomine ipsius in corporalem possessionem omnium predictarum terrarum et locorum jurisdictionis tue predicto nomine inducere debeas faciens sibi de ipsorum proventibus et redditibus integre responderi: et recepto prius pro nobis ab hominibus dictarum terrarum et locorum fidelitatis solite juramentum ipsum ab eis assicurari facias juxta consuetudinem regni nostri fidelitate nostra nostris et cuiuslibet alterus juribus semper salvis.

Datum Neapoli per eumdem undecimo junii etc.