chronaca monasterii casinensis-943

Contenuto

(stralcio da ...)

“Chronica Monasterii Casinensis”
Lib I. Auctore Leone

riportata in "Monumenta Germaniae Historica",
Hannoverae, Impensis Bibliopolii Aulici Hahniani, MDCCCLXVI, pagg. 621-622

------------------------ pag 621 ------------------------

.....

[943. Ian. 30.]
59. Circa (k) (93) hos dies cum monasterium quoque nostrum quod tunc apud(l) Capuam erat sub sua iam dicione cupiditatis seu lucri gratia principes redegissent, et hac occasione fratres ibi degentes quodammodo (m) seculariter viverent: cognito hoc supradictus (n) papa Agapitus per suggestionem nostri (o) abbatis, mandat confestim (p) praefatis principibus apostolicae auctoritatis acres nimium litteras; redarguens vehementer et increpans eorum nequitiam cur tantum nefas committere ausi fuissent; praecipiens insuper, ut nullam ulterius in eodem monasterio dominationem exercere praesumerent. Monachi vero universi ad pristinum (q) cenobium Casinense (r) cum universis monasterii rebus protinus reverterentur ibidem sub abbate proprio regulariter Domino servituri; duobus dumtaxat vel tribus senibus fratribus in Capuae monasterio relictis. Quod si vel principes vel certe monachi aliter agere praesumerent, aut aliquis aliquid de rebus eiusdem monasterii pervadere (s), vel aliquam inde ordinationem (t) praeter abbatem facere temptarent, scirent se nisi resipiscerent auctoritate apostolica excommunicandos.

[955. Oct. 16.]
Ab (u) eodem quoque sancto pontifice adquisivit praefatus abbas privilegium de monasterio sancti Stephani iuxta Terracinam (94), quod beatus Benedictus sicut in vita ipsius legitur, per visionem mirabiliter apparens, aedificari monstráverat.
[943. Mai. 15.]
Hugónis (v) etiam (w) et Lotharii regum, de universis huius loci possessionibus ad hunc abbatem praeceptum confirmationis habetur (95); quique reges, eo tempore monasterium (x) sancti Angeli de Barregio ab Agarenis destructum ad pristinum statum revocare desiderantes universa inibi quae priores reges eidem regia donatione contúlerant, praecepto proprio firmaverunt (*).

------------------------ pag 622 ------------------------

Per (a) eos dies cum Basilius imperialis protospatharius esset apud Salernum, ex praecepto abbatis adeuntibus illum monachis nostris, cartam (b) restitutionis atque (c) confirmationis fecit (97) de omnibus pertinentiis monasterii huius per totam Apuliam, quas videlicet(d) eo tempore perditas habebamus: hoc (e) est ecclesiam (f) sancti Benedicti de Lesina cum omnibus pertinentiis suis, et casas aliquot (g) intra eandem civitatem; piscariam de Lauri, et aliam piscariam ibidem; in Asculo (98) casam solariatam, et curtes, et puteos; ad Melessanam (h) curtes, et puteos; ad Sanctum Iohannem in Ruliana (i) curtes; ad Sanctum Decorentium terras; in Canusio (k) veteri ecclesiam sancti Benedicti, et molendinum, et curtes; in Minervio(l). (99) speluncam ubi est ecclesia sancti Salvatoris, et terras; in Andre (1) vineas et olivas; in rivo qui dicitur De monacho, curtem. Haec omnia praefatus Basilius reconsignari fecit fratribus nostris, confirmans eadem nobis (m) per cartam proprio sigillo bullatam, et (n) interdicens ne quis amplius invadere illa praesumeret.
      Maielpotus abbas vicesimus sextus, sedit (o) annis sex(2). **.
[da "Monumenta Germaniae Historica", Hannoverae, Impensis Bibliopolii Aulici Hahniani, MDCCCLXVI, pagg. 621-622

NOTE
*) His porro temporibus, cum Cinglensis ecclesia a Saracenis divastata fuisset, Iohannes eiusdem cellae praepositus, quicquid subpellectilis vel thesauri quoquo modo subripere potuit assumens, cum consensu abbatis nostri Capuas pergit, alque ibi monasterium construere coepit. Quo etiam tempore venerabilis papa Marinus eandem ecclesiam sanctae Mariae de Capua, cum omnibus possessionibus suis Casinensi coenobio per privilegium ex integro confirmavit (96). Quod id ipsum similiter confirmaverunt, Iohannes quintus decimus, Benedictus octavus, Benedictus nonus, Leo, ac Stephanus nonus: abbatibus nostris Balduino, Aligerno, Mansoni, Atenulfo, Theobaldo, ac Friderico (11) add . 2.
**) Fuit temporibus imperatorum Romanorum et Nycephori (12) add . 2.

-------------- avviso al lettore ---------------

Le NOTE, sia quelle letterali (a-z) di pagina, che quelle numeriche (1-99), in questa trascrizione elettrronica sono state omesse.