In Dei nomine Amen. Anno quo carnem Christus de Virgine sumpsit millesimo quingentesimo sexagesimo tertio Regnante Invictissimo et Serenissimo Domino nostro Domino Philippo de Austria Dei gratia inclito Rege Anglie Francie Citerioris Sicilie hierusalem hibernie Principe hispaniarum. Regni vero eiusdem Sicilie citerioris anno septimo feliciter Amen.

Mense Februarii die decimo eiusdem septime indictionis [sesta indizione, come è riportato nella data in calce al documento, e non settima] in civitate Andrie Nos Autonius de Sancto Giorgio de civitate Andrie Regius ad vitam ad contractus iudex, Nicolaus Angelus Facinius eiusdem civitatis Andrie publicus ubique per totum antedictum regnum Sicilie citra farum Regia auctoritate notarius cum potestate etiam mihi ut infra per sacras Cesareas et Captolicas Maestates concessa stante oculari infirmitate mea videlicet acta quecumque per alium seu per alios per me eligendos in manualibus et protocollis scribi et in publicam formam reassumi faciendi et testes subscripti literati ad hec specialiter vocati et rogati presenti publico instrumento fatemur notum facimus atque testamur:

Quod predicto die accersitis nobis prefatis Iudice Notario et infrascriptis testibus intra venerandam ecclesiam sancte Marie sub vocabulo de la Misericordia sitam et positam intra eamdem civitatem Andrie iusta suos confines ad petitionis instantiam pariter et rogatus infrascriptorum procuratorum et confratruum hospitalis dicte ecclesie Sancte Marie de la Misericordia ubi et in quo loco procuratores et confratres ipsi pro aliis negotiis ad commodum et opus dicti hospitalis tractandis et exequendis congregari consuevit.

Et dum essemus ibidem personaliter constituti invenimus subscriptos procuratores et confratres prefati hospitalis in uno in dicto loco capitulariter congregatos more et loco solitis et consuetis pro infrascripto actu peragendo ut dixerunt, videlicet Felicem de la porta, Masellum de galetta procuratores pro presenti anno, Franciscum de santo Giorgio, Nicolaum de Pistillo, Blasium de blanco, Nuntium de galetta, Nicolaum de Robertis, Ionnem de Narduccio, Riccardum cinnum, sanctum de abate Cola, dominum Riccardum de Aquino et Ioannem de gratia confratres eiusdem hospitalis sancte Maria de Misericordia, prefati quidem procuratores et confratres coram nobis et magnifico Ioanne Maria Cognitore generali sindico pro presenti anno civitatis Andrie presente recipiente et stipulante nomine et pro parte dicte magnifice Universitatis et aliorum Sindici et electorum successive futurorum in eadem particulariter declarando asseruerunt noviter ad ipsorum notitiam devenisse fuisse per eamdem magnificam universitatem in pleno consilio determinatum et conclusum fore construendum et faciendum in eadem civitate Andrie et proprie in domibus dictis vulgariter del hospitale di S.to Riccardo monasteriiun clausum monialium et quod pro effectu predicto tam dictum hospitale sancti Riccardi quam et hospitale sancti Bartolomei et hospitale Sanctissime Trinitatis eiusdem civitatis Andrie cum eorum introitibus reduci et uniri debeant ad dictum hospitale sancte Marie de la Misericordia, et quod secuta unione predicta gubernium et administratio tam dicti hospitalis sancte Marie de la Misericordia quam dictorum aliorum hospitalium sic ut supra uniendorum cum introitibus ipsorum detur annuatim duobus procuratoribus eligendis per ipsam magnificam universitatem prout latius in reformationibus et conclusionibus dicte magnifice universitatis continetur ad quas relationem fecerunt, quibus omnibus sic ut predicitur assertis agnoscentes procuratores et confratres ipsi dictas deliberationes et conclusiones prefate magnifice universitatis fuisse et esse iustas et cedere in evidentem utilitatem et commodum universale, volentes se ipsos cum eadem magnifica universitate conformes reddere eorumque quorum opus est consensum et beneplacitum prestare, ideo sponte predicto die procuratores et confratres ipsi promiserunt et convenerunt seque ipsos contentaverunt et contentant quod supradicte conclusiones et reformationes prefate magnifice universitatis tam circa constructionem dicti monasterii quam circa unionem dictorum hospitalium in dictum hospitale sancte Marie de la Misericordia cum eorum introitibus ut supra et circa gubernium et administrationem ipsius hospitalis sancte Marie de la Misericordia et aliorum hospitalium sic ut supra unitorum cum eorum introitibus distribuendum et committendum in personam duorum procuratorum eligendorum annuatim per dictos procuratores et confratres dicti hospitalis sancte Marie de la Misericordia et duorum procuratorum eligendorum per ipsam magnificam universitatem penitus exequantur et observentur iuxta seriem et tenorem supradictarum conclusionum et reformationum ac si de verbo ad verbum in presenti iustrumento apposite fuissent ex quo de illis habuerunt et prout habent plenam et plenissimam notitiam et proinde coram nobis nomine supradicto eisdem reformationibus et contentis in eisdem consensum et beneplacitum prestiterunt et prestant, tali quidem declaratione et expressa reformatione facta per supradictos procuratores et confratres quod perceptor pecuniarum et introituum dictorum hospitalium uno anno esse debeat unus ex dictis duobus procuratoribus eligendis per ipsam magnificam universitatem et alio anno debeat esse perceptor unus ex dictis duobus procuratoribus eligendis per dictos procuratores et confratres et sic alterius vicibus debeat observari et exequi.

Quam quidem declarationem provvisionem ut supra factam ac omnia alia et singola in presenti instrumento contenta dicti procuratores et confratres promiserunt semper et omni futuro tempore habere ratam gratam et firmam ac rata grata et firma et contra non facere dicere opponere vel allegare in iuducio vel extra de iure vel de facto tacite seu espresse per se seu per alium aut modo quocumque ad penam et sub pena unciarum quinquaginta pro medietate videlicet ipsius pene applicanda dicte magnifice universitati et pro altera medietate Regie ducali seu alteri cui vis Curie ubi de premissis seu premissorum altero fuerit quomodolibet reclamatum seu reclamari contingerit me predicto Nicolao Angelo publico ut supra notario penam ipsam nomine et pro parte ipsius Curie ac omnium quorum vel cuius exinde interest vel interesse poterit quomodolibet in futuris sollemniter et legitime stipulanti cum integra omnium refectione et emenda omnium et singulorum damnorum expensarum et interesse exinde quomodolibet occurrentium.

De quibus fuit conventum inter partes ipsas fore standum et stari debere solo et simplici verbo cum iuramento tam in iudicio vel extra ipsius magnifice universitatis ut stupra nulla alla sacramenti prestatione exquisita seu quomodolibet exquirenda. Qua pena soluti vel non exapta vel non aut etiam gratiose remissa presens nihilominus instrumentum cum eadem adiectione pene ac omnibus et singulis in ea contentis in suo semper robore et efficacia duret et perseveret.

Pro quibus omnibus et singulis adimplendis et inviolibiliter observandis voluntarie dicti procuratores et confratres anteposuerunt hipotecaverunt et obligaverunt omnia bona dicti hospitalis mobilia et stabililia presentia et futura licita et illicita seseque moventiia et existentia ubicumque obligari vetita seu permissa a iure ac etiam ea que sine speciali pacto obligari non possunt usque ad legem et preter legem iura actiones et nomina debitorum: que quidem bona omnia et singula dicti procuratores et confratres constituerunt se tenere et possidere precario nomine et pro parte ipsius magnifice universitatis ut supra, cum potestate auctoritate et speciali mandato bona ipsa in casu contraventionis auctoritate propria et presentis instrumenti vigore capiendi intrandi et apprehendendi, ipsaque bona capta puplice vendendmn et subastandum et quolibet alienationis titulo distraendi vel insolutum pro iusto et competenti pretio retinendi et poxidendi absque aliqua licentia Curie decreto iudicis aut mandato pretoris ac servatis vel non iuris vel facti sollemnitatibus in talibus a iure requisitis donec predicta omnia et singula ad unguem impleantur et integre serventur indemnia.

Et renuntiaverunt etiam procuratores et confratres ipsi super his omnibus adimplendis et inviolabiliter observandis voluntarie expresse et non per errorem iuris vel facti exceeptioni vis doli mali metus et in factum actioni exceptioni dicte declarationis et promissionis non rite et legitime facte omnique aliarum legum et iurium ausilio et favori, privilegio fori et ipsi fori iurisdicenti actorem debere segni forum rei lege de bonis mobilibus et stabilibus insolutum dandis vel retinendis lege proibente penam in contractibus adhiberi et adhibitam exigi et committi singulisque aliis legibus iuribus auxiliis gratiis favoribus privilegiis preventionibus denunciationibus moratoriis ritibus magne Curie Vicarie salvis conductis impetratis vel impetrandis sub quavis forma et espressione verborum, quibus impetratis promiserunt non ubi contra presens instrumentum etiam si provideret proprio motu Regis vel ducis lege dicenti generalem renuntiatio nem fieri non deberi et factam non valere.

Itaque presens contractus valeat et se estendat ad specificata et non specificata et que non specificata et cognita pro specificatis et cognitis habeatur.

Maiorisque securitatis et roboris presentis instrumenti causa voluntarie procuratores et confrates ipsi ad et supra sancta Dei quatuor Evangelia tactis corporaliter scripturis in minibus mei prefati notarii iuraverunt et iuramentum fecerunt predicta omnia et singula in presenti instrumento contenta vera fuisse et esse et contra non facere vel venire modo quocumque volentes insuper quod presens instrumentum possit stendi corrigi et emendari ad consilium sapientis ipsius magnifice Universitatis et in eo addi et opponi solum per me predictum notarium absque aliorum iudicis et testium interventum omnes et singulas clausulas necessarias et oportunas facientes in favorem ipsius magnifice universitatis veritatis et facti substantia non mutata.

Que quidem clausule ut supra apponende voluerunt habere eamdem vim robur et efficaciam ac si in presenti instrumento apposite in presentiam ipsarum partium stipulate fuissent.

Unde ad futuram rei memoriam et dicte magnifice universitatis cautelam pariter et rogatum factum est ei per nos de premissis omnibus et singulis presens publicum instrumentum scriptum quidem per manus alienas ad dictamen et ordinationem mei predicti notarii Nicolai Angeli Facinii ac auctoritate et potestate mibi notario ut infra per sacras Captolicas Maiestates concessa, meoque solito et consueto signo pariter et subscriptione signatum mei qui supra Iudicis et nostrum subscriptorum qui interfuimus testium subscriptionibus roboratum.

Ego qui supra Nicolaus Angelus publicus ut supra notarius presens publicum instrumentum ad mei dictamen et ordinationem per manus alienas fideliter scriptum fuisse fateor vigore Regiarum litterarum mihi ut supra ex oculari infirmitate concessarum sub data Puteolorum die XXIIIº mensis Martii 1545; et in fidem manu propria me subscripti, meoque solito et consueto signo signavi.

Ai piedi dell’atto:
Nos Dominus Sanctullus de Excelsis generalis Vicarius Reverendissimi Domini Episcopi Andriensis prefatum Nicolaum Angelum Facinium publicum regia auctoritate notarium non minus habilem et idoneum quam legalem et fidelem esse testamur in quorum fidem presentes fieri fecimus nostra propria manu subscriptas. ac solito sigillo munitas.