Scriptum est eisdem secretis (Apulie) etc.

Beneplaciti nostri est et fidelitati vestre precipimus quatenus Henrico. Frederico. et Anselmo natis quondam Manfridi Principis Tarenti qui in Castro Sancte Marie de Monte tenentur expensas eorum a presenti in antea et usque ad beneplatitum nostrum ad rationem de tareno auri uno ponderis generalis pro quolibet eorum per diem de pecunia curie nostre officiorum vestrorum que per manus vestras extiterit ministretis. Quorum cuilibet exhibere curetis instanter uncias auri duas et medium dicti ponderis pro indumentis eorum mandato facto vobis de tota pecunia officiorum vestrorum destinando Grafferiis. et quolibet alio quod executionem presentium impediret aliquatenus non obstante. Recepturi exinde apodixam (1) ab eorum certo nuncio quem ad vos propterea destinabunt cui dictam pecuniam tributuatis.

Datum Baruli per Bartholomeum de Capua etc. die XIII Junii VII Indict. (1294).