Scriptum est Henrico de ervillo secreto magistro portulano et procuratori Apulie etc.

Pro parte Corradi filii quondam Comitis Casertani. Henrici. Friderici. ac Anselmi fratrum filiorum naturalium quondam Manfridi principis Tarentini in Castri nostri Sancte Marie de Monte Carcere intrusorum porrecta Culmini nostro petitio continebat, ut dum mandatum nostrum obtinerant secretis presentibus et futuris directum de solvendis eidem Corrado tarenis auri quatuor et cuilibet fratrum ipsorum tareno uno auri ponderis generalis per diem pro expensis eorum, tu eis expensas huiusmodi denegas exhibere. occasione clausule in quodam mandato nostro tibi directo interserte. de suspendenda executione quorumcunque mandatorum nostrorum tibi missorum vel in antea mittendorum pro quibuscumque personis et quibuscumque negotiis sive causis quantumvis arduis et expressis donec miseris et assignaveris in camera nostra grafferiis (1) hospicii nostri uncias auri mille. nisi de mandato ipso cum clausula expressa fierit mencio de verbo ad verbum in licteris. de exibitione vel solutione cuiuscumque pecunie missis tibi vel etiam transmictendis propter quod humiliter supplicabant mandari per nos de solutione predictarum exspensarum suarum obstaculum predicte clausule removeri. quorum supplicationibus inclinati. fidelitati tue mandamus quatenus mandato cum clausola non obstante predicta ac si presentibus licteris de verbo ad verbum de ipso plena mencio fierit, mandato etiam tibi facto de tota pecunia Curie nostre officiorum tuorum existente vel futura per manus tuas ad nostram cameram destinanda hospitii Grafferii assignanda seu quocumque alio contrario non existentibus quoquomodo. predictum mandatum nostrum supplicantibus ipsis pro huiusmodi expensis eorum indultum sicut superius continetur tempore sui officii in quantum ad te spectare dignoscitur juxta ipsius continentiam exequi facias et compleri.

Datum apud Turrim Sancti Herasmi prope Capuam per Magistros Rationales (2) etc. die nona Ianuarii VIII Indict. (1295).