Scriptum est Stormito de Guagnonvilla militi Castellano Castro sui Sancte Marie de Monte fideli suo etc.

Volumus et fidelitati tue precipiendo mandamus quatenus ad requisitionem Karoli primogeniti nostri carissimi Ungarie Regis Principis Salernitani et honoris Montis sanctis Angeli domini nostrique in Regno Sicilie Vicari generalis, nuncio dicti Regis presentes tibi licteras assegnanti. Henricum Fredericum et Encium filios quondam Manfredi olim Principis Tarentini quos in dicto Castro sub custodia tua, carcer noster includit studeas sine difficultatis obstaculo assignare ducendos ad eum salubriter, et per ipsum prout et iniungimus liberandos, facturus fieri de assignatione captivorum ipsorum scriptum conpetens ad cautelam.

Datum Anagni per B. de Capua etc. die XVIII. Iunii VIII. Indict. (1295).