Scriptum est Henrico de Hervilla Secreto Apulie etc.

Non cedit ad honorem regium de filiis quondam Manfridi olim Principis Tarantini et Corradi dudum Comitis Casertani qui in Castro Sancte Marie de Monte in carcere detinentur si ob alimentorum defectum que a te de Curie mandato debent recipere fame peribunt cum eis sufficiat carceris inclusio et maceratio quam longo tempore sunt perpessi. Ideoque volumus et dicimus tibi firmiter et districte precipiendo quatenus captivis ipsis expensas eorum victui opportunas juxta tenorem mandati quod proinde a Curia diceris recepisse ab eo tempore quo eis per te inde satisfactum non extitit usque nunc et in antea per totum presentem annum de quacumque fiscali pecunia predictorum officiorum tuorum qui est vel erit per manus tuas qualibet difficultate sublata studeas ministrare et exinde reciperis apodixam mandato nostro sub quacumque forma verborum huic contrario tibi facto per quod effectus presentium impediri possiti in aliquo vet differri nullatenus obsistente.

Datum Neapoli per domnum B. de C. etc. die VI Maj XI Indict. (1298).