Scriptum est universis per partem Regni nostri Sicilie constitutis presentes litteras inspecturis fidelibus nostris etc.

Ecce Johannem del Dompno de Neapoli militem ostensorem presentium dilectum fidelem nostrum, ad Castrum nostrum Sancte Marie de Monte transmictimus, Recepturum ibi de Castellano eiusdem Castri filios quondam Principis Manfridi quos noster ibidem Carcer includit et eos captivos ad presentiam nostram ducturum. Volumus ergo et fidelitati vestre firmiter precipimus, et expresse ut eidem Johanni qualiter salvo et secure ac sine periculo aliquo captivos possit ducere supradictos prebeatis juxta requisitionem et ad requisitionem suam tam pro nocturna quam diurna illorum custodia conductum favorem consilium et auxilium oportuna.

Datum Neapoli per M. R. die XXX Julii XII Indictionis.