Scriptum est Guillelmo de Ponciaco militi et Andrea de Ysernia juris civilis professori magne nostre Curie Magistris rationalibus consiliariis familiaribus et fidelibus nostri. etc.

Cum Johannem de Dompno de Neapoli militem fidelem nostrum ad Castrum Sancte Marie de Monte presencialiter transmictamus ducturum abinde captivos ad nos filios quondam Manfridi principis Tarentini, volumus et mandamus ut animalia et molina necessaria pro equitatu captivorum ipsorum et aliquem somerium pro deferendo eorum arnesio si quod habent invenienda et conducenda per vos statim de quacumque fiscali pecunia vel alia in ipsius defectu undecumque invenienda ita quod nullus in hoc defectus eveniat dicto militi assignetis.

Datum Neapoli per M. R. die XXX Julii XII Ind.