Scriptum est eidem (secreto Apulie).

Quia in Castro nostro Sancte Marie de Monte preter serventes triginta olim ad ipsius Castri custodiam deputatos alios serventes decem pro diligenti custodia ipsius castri et domini Henrici ac olim Comitis Casertani quos ibi carcer noster includit de novo duxerimus deputandos et justitiario terre bari fideli nostris damus licteris in mandatis ut Johanni Galardo de Summariaco Castellano eiusdem Castri militi familiari et fideli nostro vel ad requisitionem suam certo nunctio suo gagia solidos (1) seu expensas pro eodem Castellano a tempore quo dicti domnus Henricus et olim Comes Casertanus ad predictum Castrum Sancte Marie de Monte de mandato nostro ducti sunt custodiendi ibidem et pro eisdem dompno Henrico et olim comiti Casertano a tempore a quo expense ipsis per Curiam nostram soluta, per te qui eas dum custodiebantur in Castro nostro Canusii exhibere habuisti. exhibite non sunt. de quo per licteras tuas certificari debeat et pro predictis quadraginta servientibus. triginta ipsorum videlicet, qui primo in eodem Castro deputati fuerunt et decem aliis per nos de novo additis ut est dictum, a die date presentium ad certas rationes formam et modum in eiusdem licteris nostris sibi directis distinctis debeat exibere f. t. p. m. (fidelitati tue precipiendo mandamus) quatenus receptis presentibus eumdem justitiarium per licteras tuas certificare debeas usque ad quod tempus expensas pro predictis dompno Henrico et olim Comite Casertano dedisti vel per alios dari fecisti ut certificatus inde per te vel per alios de mandato tuo exhibite non sunt et in antea possit procedere sicut dictum est sibi per predictas nostras licteras in mandatis. Predicto vero Castellano usque ad diem quo predicti dompnus Henricus et olim Comes Casertanus ad predicta castra de mandato nostro ducti sunt de quo per licteras eiusdem justitiarii qui eos illuc de mandato nostro ducere habuit te certificari volumus et predictis etiam triginta servientibus deputatis primo ad custodiam dicti castri quibus sicut aliis servientibus Castrorum jurisdictionis tue solido exhibeas ad diem date presentium de gagiis et solidis eorum satisfacias sicut debentur eis per te juxta statutum Castrorum nostrorum Apulie et a predictis temporibus in antea eisdem Castellano et servientibus nichil de huiusmondi gagiis et solidis exhibeas vel facias exhiberi cum per predictum justitiarium de mandato nostro dari debent ut superius dictum est.