Scriptum est Castellano Sanctæ Marie de Monte etc.

Quia volumus Dopnum Herricum qui sub tua custodia detinetur aliquid in habilitatione corporis indulgeri fidelitati tue precipiendo mandamus quatenus eundem dopnum [=dominum] Herricum equitare cum suo mulo extra Castrum ipsum per circuitum interdum in septimana permictas, faciens eum curialiter sociari. Cautus tamen existas et diligenter attentus quod antequam Castrum exeat per diligentes et oculatas escubias circumquaque perquiri facias, accuratius, custodiri set quod de ipsius fuga vel sinistro quovis alio nulla dubietas vendicet sibi locum. sicut nostram gratiam curam habes. et persone tue periculum pertimescis.

Datum Neapoli die VI Septembris III Indictionis.