Scriptum est eidem justitiario etc.

Quia significavit nobis Americus de Monte dragone provisor Castrorum nostrorum Apulie familiaris et fidelis noster quod in Turribus Castri nostri Sancte Marie de Monte faciende sunt Bertesce (1) et quatuor guaytaroles (2) et omnes fenestre eiusdem Castri ferrande sunt. fidelitati tue firmiter et expresse precipimus quatenus receptis presentibus facta diligenti et sollempni extimatione per magistros et aliquos alios fideles vestros expertes in talibus presente tecum in extimatione predicta provisore ipso pro quanta quantitate pecunie predicta omnia fieri possunt de qua extimatione fiant due scripta puplica consimilia continencia formam presentium nomina et cognomina extimatorum et quantitatem pecunie pro qua omnia fieri possunt particulariter et distincte quorum unum tibi retineas et aliud dimictas provisori predicto per te et eum vestre rationis tempore producendum. Berdescas necessarias in predictis Turribus et quator guaytarolas et fieri et finestras eiusdem castri ferrari facias de quacumque fiscali pecunia curie nostre que est vel erit per manus tuas sine qualibet tarditate non obstante etc. recepturus etc. et post complementum ipsorum a predicto provisore vel a Castellano ipsius castri scriptum competens ad cautelam per … predicta omnia in Castro ipso per te facta et completa fuisse.

Datum Brundusii XIII Aprilis V Indictionis (1277).