Scriptum est Castellano Castri Sancte Marie de Monte etc.

Cum Rogerium de Marra et quemdam alium qui se Principem Manfredum nominari faciebat, quas in Castro Sancte Marie de Monte sub vestri custodia Regius carcer includit per dominum Robbertum de Iarvilla dilectum etc. ad presentiam nostram duci velimus devocioni vestre precipimus quatenus predictos captivos eidem domino Robberto, quem ad predictum Castrum propter hoc specialiter mictimus, ad ipsius requisitionem per ipsum ad nos sub fida custodia ducendos instanter assignare curetis, et si forte predictum captivum qui se principem Manfridum nominari faciebat in eodem Castro sub vestra custodia non teneat Regius carcer. inclusum, nos nichilominus predictum Rogerium de Marra eidem domino Robberto per ipsum ad nos ducendum sub diligenti custodia sine difficultate et dilatione qualibet assignetis. Recepturus de assignatione predictorum si ambos ei assignaveritis vel de assignatione predicti Rogerii tantum si alter sub vestri custodia non fuerit, e scriptum competens ad cautelam.

Datum Capue etc. die XXIX Martii XII Indictionis.