Scriptum est Castellano Castri Sancte Marie de Monte presente et futuris fidelibus suis etc.

Intellecto nuper quod in Castro ipso Gavarrectus non est per Curiam ordinatus nos inducti meritis et diuturnis servitiis Petri de aqua fidelis nostri prestitis per eum clare memorie domino patri nostro et nobis ipsum Gavarretum in eodem Castro cum gagiis granorum decem ponderis generalis per diem ad ipsius vitam duximus ordinandum.

Quare fidelitati vestre precipimus quatenus tu presens Castellane eundem Petrum Gavarretum dicti Castri si non est in illo alius per Curiam ordinatus admittere et retinere. Vosque facturi taliter dimittere in eodem servitio donec vixerit ad huiusmodi gagia procuretis presentes autem licteras postquam eas inspexeritis penes eumdem Petrum volumus tenaciter efficaciter donec vixerit valituras.

Datum Neapoli in Camera nostra. Anno Domini MCCCXI die XV Iunii IX Ind. Regnorum nostrorum anno III.