Robertus etc. Provisoribus nec non deputatis et deputandis per Curiam nostram super solucionibus gagiorum Castellanorum et servientium aliarumque personarum Castrorum Curie nostre in Apulia fidelibus nostris gratiam etc.

Sumpta nuper de Carolo Artus dilecto Cambellano familiari et fideli nostro experientie certitudine plena fiducia sibi custodiam Castri Sancte Marie de Monte de Iustitiariatu terre Bari usque ad nostrum beneplacitum per alias nostras licteras duximus noviter concedendum concessimus nichilominus ei quod Castellanum unum et servientes inibi opportunos dictum videlicet Castellanum ad gagia duodecim unciarum per annum dictosque servientes ad gagia consueta possit ibidem usque ad dictum nostrum beneplacitum ordinari ut igitur Castellano et servientibus ipsis sic per eum in eiusdem Castri custodia deputandis de huiusmodi eorum gagiis satisfiat.

Volumus et fidelitati vestre precipimus quatenus vos provisores dictum Castellanum et servientes ordinandos ut premittitur per dictum Carolum ad ipsius Castri custodiam admictatis vosque statuti seu statuendi ad solucionem gagiorum ipsorum dicto Castellano ad prefatam racionem de unciis duodecim ponderis generalis per annum dictisque servientibus gagia eis vel ab aliis in eodem Castro exhiberi solitis per nostram Curiam ex nunc in antea de illa fiscali pecunia et tunc de qua et cum satisfieri per vos aliis Castellanis et servientibus dictorum Castrorum Apulie solvere et exhibere curetis, et recipiatis de hiis que presentium auctoritate solveretis apodixam ordinacione seu mandato quorumque contrarie non obstante presentibus post oportunam inspectionem earum remanentibus presentandi apud vestrum singulos predictos nostro durante beneplacito vim et vigorem similem habituros. –

Datum Neapoli in (Camera nostra) anno domini MCCCXVIII die penultimo Iunj prime indictionis. Regnorum nostrorum anno X.